So Ching有信心与阿Mo冲破魔咒 憧憬过童话生活

etin

受伤舞蹈员李启言（阿Mo）因不幸遇上人气男团MIRROR红馆演唱会嘅堕屏事故，现今仍身在伊利沙伯医院ICU留医，情况虽由危殆转为严重，但大众仍然关心佢嘅康复进度，而一直不离不弃嘅女友、COLLAR成员So Ching亦频频上载打气发文，成阿Mo嘅最强后盾。外界一直有传阿Mo情况唔乐观，但对男友有信心嘅So Ching昨日（9日）再发文，上载一张日本动画《哈尔移动城堡》嘅手绘图，图中男主角哈尔同女主角苏菲现身二人嘅秘密基地，二人喺广阔草原上聚首一幕，So Ching似系想表达佢同阿Mo都会冲破现实“魔咒”，最终都会排除患难，去过二人憧憬嘅童话生活。