黄嘉雯比坚尼上阵 青春逼人

etin

前港姐黄嘉雯与林敏骢于新剧《下流上车族》中有不少对手戏，剧中二人有暧昧关系，而嘉雯虽然饰演校长角色，更有多个不同的造型出现，青春逼人。继之前的性感TUBE DRESS、孖辫妹造型后，日前她更以性感bikini上阵与林敏骢于水牀上拍摄，期间阿骢拖着她的手，状甚浪漫。

今次是嘉雯首次穿着泳装拍摄剧集，剧组当日去到大埔为他们拍摄行山玩水情节，说到她这个“校长”绝不简单时，她笑言:“系呀！我呢个校长系有好多造型，又紥孖辫，又有啲夏日Look，返工时又会好斯文，试造型时都试咗好多个钟，好多唔同Style， 所以呢个角色都几多嘢玩。”她又指拍摄这场泳装戏时，更要玩水上活动，“嗰日好晒，好多同事都晒燶咗，我哋有玩嗰啲水上设施同天鹅船，玩时真系好跣，有几次差啲跣亲。”问到要穿bikini拍摄，拍前有否刻意节食Keep fit时，她谓:“咁又无喎！不过剧组都好细心，准备咗好多防走光嘅嘢畀我，(套泳衣系咪私伙?)系剧组准备嘅， 事前都有fitting，服装同事都好辛苦，搵咗好多套衫畀我试，每一套衫都帮我准备好多打底。”

而林敏骢接受访问时说到有性感美女做拍档，他笑谓:“我都不敢正视呀！惊引起不良反应，(你都见惯世面啦！)咁又系！”说到二人拍摄时要玩水上活动，问他有否好好照顾穿着三点式的嘉雯时，他说:“我全程都要佢扶住，(你扶佢定佢扶你呀?)一齐啦！”