连诗雅操Fit骚水着留倩影 被陈家乐嫌太瘦

etin

歌手连诗雅（Shiga）为无綫节目《答得快 好世界》录影，自嘲向来玩游戏最渣，故心情紧张，寄望未有拖累队友，虽然近期经常参与游戏节目，但表现仍有待改进。

​谈到早前与女性朋友开泳池派对，还大晒弗爆身段，问到是否努力操弗？她说：“不嬲都有操嘅，我去泳池前都有再操吓，系想留倩影啫，年纪愈大要更加努力先Keep到！（未来老公陈家乐有冇赞你？）佢话我好瘦，但我不嬲都以健康为先。（系咪太瘦唔好揽？）我觉得OK，依家佢唔喺香港，可以试吓隔住个Mon揽。（有冇隔住Mon Kiss？）冇呀！佢都忙，倾偈系讲近况多啲。”

对于婚期，她不讳言疫情占最大因素，因连摘日子也存在困难，即使想飞外地举行婚礼，但回港后又要隔离：“啲朋友都请唔到咁多假啦，连婚纱相都未影，估计今年未必成到事。（有冇睇订婚纱？）有啲品牌话想造畀我，问我有冇兴趣，但睇吓到时身形点，依家未够弗。”提到陈家乐有份演出的电影《神探大战》正在上映，她透露曾想过待家乐返港才一起捧场，但现时心思思想先睹为快：“因为太多人讨论套戏，所以想睇咗先，都知套戏有少少Dark，我又惊又想睇，佢应该9月先返，但我希望唔好太耐啦！”