艺人马国明昨日(2日)现身太古城,出席《白色强人II》宣传活动。当记者笑指家住太古城的他今日“主场”,他起初说:“系呀,行一阵就返到屋企。”然而当被发现全身沾满猫毛时,马国明才说:“其实我同阿汤(女友汤洛雯)喺将军澳租咗个单位,如果赶戏时就喺嗰度住,同埋疫情我都惊会传染屋企人,所以有另外一个地方稳阵啲。阿汤养咗两只猫喺嗰度。(同居?)你哋都可以咁讲。”
​马国明“爱屋及乌”,觉得一对小猫很黐身及可爱:“佢哋会跟着我去厕所,我哋睇电视,佢哋又会喺隔离趴住喺度,搞到我都中咗猫毒。(当佢哋系仔女? )其实佢哋系一对夫妇,来自唔同家庭,猫仔大约一岁,而猫女得几个月大。”
再次被问到推剧一事,马国明再三澄清说:“唔系推剧,系好多谢公司趁《白色强人II》推出啲段时间,能够放我出去搵真银,其实每套剧集都总会有几个演员考虑吓先嘅。(不如真系呢段时间拉埋天窗? )如果有好消息,我哋一定会讲。阿汤嚟紧要去澳洲起码半个月,所以我要留喺屋企凑猫就真。”对于剧集收视报捷,他坦言喜出望外:“估唔到剧集已经喺内地播竣,而香港嘅收市都仲咁好,真系好鼓舞。”​
|