无綫节目《东张西望》女主持近期收到“奸斩令”恐吓,卷入事件的港姐王嘉慧,昨晚(29日)在尖沙咀文化中为仁济医院举办的慈善音乐会担任司仪,她指是首次独自担任大型活动司仪,要通宵记稿做好准备。讲到“奸斩令”事件,她说:“事件交咗畀公司处理,自己都放心,自己系出外景多,不过,平时拍嘢,佢哋真系好保护我哋。(今晚公开活动担唔担心多人﹖)唔会,咁多人喺度。(会唔会请保镖?)咁又唔使,《东张》同事个个都卧虎藏龙,有佢哋保护己经足够。(屋企人担心?)有同佢哋讲番件事,叫佢哋唔使担心。”她指没有再收到恐吓讯息,反而收到很多鼓励慰问讯息,多谢大家关心。
同场,黄婉曼晚上一身公主裙打扮亮相,她表示MIRROR演唱会巨型屏幕砸伤舞蹈员当晚,她正身在现场目击意外发生,晚上她看似仍犹有馀悸,她说:“都有少少瞓唔着,最紧要系平安,今日都听到话平安,咁最紧要。(好似心神恍惚,有阴影﹖)都要调整心情,喺现场系有唔同感受,衷心希望佢哋平安,希望每个骚都系开开心心。”
|