|
前港姐冠军陈凯琳与老公郑嘉颖育有两个囝囝,一家四口相当温馨,昨日(27日)系细仔Yannick嘅2岁生日,佢哋当然有同细仔大肆庆祝,两公婆喺社交网大晒庆生靓相及片段,见佢哋陪囝囝“放电”,去到球场大玩滑板车及踩单车,期间郑嘉颖仲童心爆发,踩上小型滑板车,场面搞笑。另外,佢哋亦为囝囝大搞生日派对,现场以卡通人物“迷你兵团”(Minions)作为主题,有大量气球装饰之外,仲有该角色造型生日蛋糕,令囝囝非常满意。陈凯琳又留言指Yannick呢位“小王子”系天赐嘅礼物:“两年前你进入我们生活以来,就像是我们家庭的一份礼物,你既聪明又有趣,而且毫无畏惧,每次你笑的时候,你都会提醒我们每天感到快乐的重要性。Yannick,我们爱你! ”
|
|