谢东闵入行12年孖住孔德贤当“男一” 与陈嘉慧搞神仙恋

etin

无綫艺人谢东闵与孔德贤从未为无綫剧集担任男主角，而入行12年的谢东闵终于一尝心愿，孖住入行5年的孔德贤做男一，二人即将开拍公司轻松搞笑民初新剧，而女主角则是现时无綫力捧、一剧接一剧的“小花”陈嘉慧。

谢东闵于剧中饰演神仙，首担“男一”的他坦言压力不大，他受访时说：“以前都拍过几套古装同民初，好似《大药坊》、《丫嬛大联盟》，不过今次嘅拍档全部都未合作过。（你系前辈喎？）哈哈！系有经验嘅演员，依家公司都提携好多新一辈，都系好事嚟，不过真系好想同啲细过我嘅演员合作，擦出火花。（真系冇压力？）冇喎！最紧要系畀心机做好个角色啫！”

说到之前如《杀手》、《刑侦日记》及《金宵大厦2》都多是演性格沉鬱、阴险的角色，他说：“系呀！之前几套真系杀人杀到闷，系时候做番啲正派角色，都想畀观众睇到我开心、好玩嘅一面。”此剧现以“双男一”上阵，问到会否跟孔德贤争戏份时，谢东闵表示不会，只期待大家擦出火花。他又指今次最开心是可跟韦家雄合作：“我好爱佢，同佢合作真系好开心。”

至于孔德贤坦言有份做男主角很开心，他说：“之前都返咗去见监制，因为做男主角系自己嘅目标，亦都好感恩，好多谢公司畀机会我呢个新人，今年系我入行第5年，我会视今年为开始嘅一年，好好学习，先做好人，再做好戏，专心做好自己工作，其他嘢唔会理住。”他又指今次角色是开心的，故事入面跟饰演神仙的谢东闵相遇，一齐经历感情，大家互相扶持同成长：“之前同闵大人（谢东闵）冇真正合作过，但大家一齐打过GAME同食饭，佢系一个好锡后辈，好NICE嘅人，我都希望喺佢身上学到嘢，互相交流。做主角系会紧张，尤其是呢套唔系时装，系民初剧，压力一定有嘅，但系我会视为动力，尽自己最大努力去演好，感受角色，同埋好好学习。”现时他正跟陈嘉慧合作拍摄《你好，我的大夫》，他说：“我哋拍得好开心，希望嚟紧呢套大家多啲对手戏时，可以磨练大家嘅演技，互相鼓励成长。”

而陈嘉慧透露剧中角色只得18岁，更是妓院的妓女，“呢个系轻喜剧，都几得意，讲我畀人卖咗去妓院，中途会同孔德贤、谢东闵发生好多得意嘢，佢两个都锺意我，会有个三角关系。上一次拍民初系我实习时，我未正式做过民初角色，真系好兴奋，不过我谂肢体语言同对白方面都要再执吓，本身自己麻甩啲，所以要有番啲女人味。”

​而黄嘉乐今次剧中饰演“大奸角”，甚有发挥，与两位男主角反差大：“个角色由工正直做到奸，我都好多年冇演反叛，继《张保仔》同《致命复活》都有6、7年。（今次都系啲后辈做主角！）冇所谓，公司派乜咪做乜，角色系冇分大同小，最紧要系做好佢啫！”​