艺人陈豪与唐诗咏昨晚(25日)现身无綫新剧《白色强人II》在商场举行的首播活动,跟现场观众一齐欣赏首集。陈豪的上衣若隐若现,陈豪讲笑谓:“为增加收视唯有去尽啲。其实我唔系刻意,件衫系我喺马来西亚买,近期大只咗唔介意咁著。(再性感啲?)睇吓收视几多。”问到若收视好,可会穿泳裤庆祝?陈豪即指著诗咏说:“叫佢著泳衣!”诗咏将波交回对方说:“有陈豪加入真系太好,啲性感任务交托佢身上,我想睇佢著单车裤。”陈豪笑言会相当引人入胜。
陈豪透露近期太太陈茵媺很努力做运动并练出六块腹肌,自己受对方感染也要勤加锻链,并自认一直都有六块腹肌。诗咏大爆之前跟陈豪在深圳拍剧时,每天都会见到对方在健身室操练:“佢每次都举重,我听到佢叫嗰把声,场内嘅健身教练都望住佢,听到好振奋。”陈豪即自嘲说举最细的哑铃,但叫最大声,人未到声先到。另外,讲到该剧已在内地播毕,但网民认为人物分线及爱情线太多,陈豪坦言拍摄时得到很多专业医生协助,但想不到观众的重点只落在爱情线上:“我觉得其实拍得几好,仲用咗好多音乐同节日去包装,令人几有共鸣。(因为你浪漫之人。)咁我内里系浪漫嘅人。”
至于诗咏角色被指不讨好兼有点麻烦,诗咏坦言明白观众想见到剧中她与马国明这对结婚,但大家未必体会得到一个女人失去了两次BB的痛苦,并会因此而不想面对另一半,故才会如此演绎及选择:“现实中我有朋友系冇咗几次BB,佢话望住自己老公真系好痛苦,所以我好明白个角色感受,将朋友嘅睇法投入角色。”
|