龚嘉欣确诊康复后首复工 35度高温照出外景

etin

无綫花旦龚嘉欣本月1日确诊新冠肺炎，原本正忙于拍摄新剧《灵戏逼人》嘅佢立即停工，事隔大半个月，原来近日佢已经复工重返剧组，佢接受无綫娱乐新闻台访问交代近况，佢表示：“呢两日啱啱开工，我本身都有少少担心，始终停咗工两个礼拜多啲，会唔会唔系好适应，或者会唔会唔记得咗点演呢？但返到嚟一同大家做对手戏嗰阵，又好自然演得番，都好顺利。”又感谢台前幕后同事嘅体谅：“监制导演佢哋个个都好好，佢哋都好担心我再返工嘅时候会点，加上依家天气真系好热，所以大家都有喺个Rundown上面迁就一下，等我同振朗（张振朗）都唔使太辛苦。”佢亦多谢身边曾确诊嘅朋友“教路”，分享如何纾缓病情、身体复原等经验。虽然佢话工作人员有尽量迁就，不过刚康复嘅佢照样顶硬上，于35度高温下去到石澳拍外景，认真专业。