阿娇减肥冇得陪阿Sa叹Pizza 惨爆餐餐都系食呢样嘢

etin

女星锺欣潼（阿娇）之前的起心肝减肥，经过一轮努力之后，成功劲减10KG（约22磅），再次回复苗条身材。不过要长期Keep住瘦真系一啲都唔容易，忍口系好重要嘅，佢喺社交网晒咗片，睇到佢同好姊妹蔡卓妍（阿Sa）喺休息室嗰阵，从来都系“瘦底”嘅阿Sa就大啖大啖咁食Pizza，而阿娇要减肥“斋睇冇得食”，佢睇见阿Sa食到津津有味嘅样，都忍唔住抿嘴，仲吞晒口水，坚系好难忍啰！​阿Sa见到阿娇呢个“饿样”，就将珍藏嘅粟米畀阿娇食，不过阿娇睇见又系要食粟米，即刻面露惨样大呷：“餐餐都系食粟米！下世唔再食粟米啦！”冇计啦减肥就系要忍口，网民都纷纷留言同佢加油，仲有网民好羡慕阿Sa可以食极都唔肥添！