锺嘉欣佗B 大卖关子暗示今胎系仔

etin

艺人锺嘉欣现正怀有第三胎，近日佢拍片分享怀孕心情，仲列出唔同线索叫网友竞猜佢今胎佗仔定佗女！见着上蓝色贴身连身裙嘅佢，个胎箩咁大，连带上围都升级，不过四肢就依然纤幼，兼Keep住瓜子脸，果然得天独厚。

讲到BB性别，佢就大卖关子：“佗仔呢，佗得低，手脚系好纤瘦，净系个肚突出嚟就可能系仔。如果你另外一半冇增磅，皮肤好靓冇暗疮，好透好glowing就系仔。如果佗女会呕得好犀利，贺尔蒙高高低低情绪化到不得了，依家我几稳定每日都几开心，如果佗得高系女，我觉得我佗得几低。佗女会锺意食啲好甜嘅嘢，我又冇。”之后佢仲掷银仔，连掷两次都系代表男仔嘅“字”：“佢（指着天）估紧我佗仔。”种种线索似乎暗示今胎真系男仔，不过嘉欣就表示其实系男系女都冇所谓：“仔女都好，最紧要都系健健康康。”