余德丞2千万豪宅装修 新旧大屋一次曝光

etin

​余德丞（Dickson）出名系富二代，多年来与家人同住跑马地2千万豪宅，同天王郭富城系邻居，现时身兼网红嘅佢，近日拍片透露因豪宅装修关系，暂时搬到另一间大屋，更记录Pack箱过程，意外将豪宅曝光！片中见其豪宅虽然全屋都放满行李，有大堆杂物，但仍清楚可见客厅及房间空间相当阔落，非常实用。佢表示：“般尼从来不易，搬屋都系！事缘本身屋企装修咗十几年当中经过两次嘅爆水喉同人地漏水落嚟，今年终于忍唔到，决定大装修！咁大个人第一次认认真真咁执屋同行李，好辛苦！点知半年后又要再经历一次，Anyway今次故事教训我，一定要断舍离！其实你会着同用嘅嘢，嚟嚟去去都系个几味，带咁多嘢都系得个拎字！”而片尾佢亦公开新屋环境，虽然面积唔及豪宅，但都设备齐全，有齐酒柜、水机、焗炉等，加上背住山景环境幽静，可见佢财力十足。