林作母亲加码1千万 求验陈凯琳细佬父子DNA

etin

前港姐陈凯琳（Grace）同龙凤胎细佬Derek日前趁住父亲节晒出同爸爸嘅合照，点知因Derek肤色、混血儿外貌同爸爸“唔似样”，搞到“抽水王”林作扬言愿意用100万买Derek父子DNA证明，不过Grace一家人齐封口，未有回应过一句，Grace昨日（23日）31岁生日，佢更加大方晒出当日被林作“抽水”嘅海量全家福，用行动力撑亲情永在！一家人一条心，Grace以同一批合照做“无声反击”，并以英文留言指自己一家有爱、有欢乐，又互相支持，父母更加系佢同细佬嘅全世界，以行动去证明永远都系一家人，摆明唔理林作嘅一系列举动。

而日前陈凯琳家姐Joyce留言寸林作：“100万会唔会少咗啲？”昨日林作即刻嚟料，晒出同林母嘅对话截图，内容见佢向妈妈借够500万，不过就未见林母回覆，但林作继续卖关子，话佢妈妈已经用文字覆咗，再次借新闻吸引大众眼球。到咗傍晚6点几，林作又喺社交网晒出同妈妈嘅对话截图，留言：“Joyce姐，最新消息：我老母大你1000万！今次惊未！”喺图中睇到林妈妈同林作讲：“仔我决定去码一千万畀你，将个DNA进行到底”、“你老母几时都会撑你”即时引起网民热议！