李施嬅病愈复工拍广告 担心食药影响生B急调理

etin

艺人李施嬅于今年3月自爆因受免疫系统疾病困扰，导致眼睛出问题影响工作，一度停工医病，幸好病情迅速好转，而经过连月来嘅治疗，近日佢更完全康复，重新投入工作，拍摄健康食广告赚外快，佢接受访问时交代近况：“因为之前做咗个手术，可能系我太心急啦，根本嗰个问题唔喺我就做咗个手术度，咁所以而家可能要reverse番，还原番。嗰个系另一样嘢，唔关我身体状况事，我嘅身体状况就系非常之好。”

​佢续指治疗期间使用咗类固醇，难免会有副作用，可能影响生育，故现时正调理身体：“个肾呢，系好受影响，好大嘅劳损，将来如果想生小朋友都生唔到，咁所以好紧要，补番个肾。调理紧啦，都唔想抹杀呢个option嘅，都会希望将来有呢个option啰，我好想讲顺其自然嘅，但如果呢一刻嘅状态呢，我要再补多啲先至可以顺其自然到。”