龚嘉欣夜闯废校做阿飘 吊威吔吊到傻！

etin

艺人龚嘉欣昨日（7日）出席《十八年后的终极告白2.0》宣传活动，她透露正准备新剧《灵戏逼人》明天首拍：“今次会去好多废校同村屋取景，因为系鬼片，所以夜班特别多。（扮女鬼使唔使吊威吔？）多呀，成日要飘嚟飘去，我同张振朗仲有浪漫爱情戏。（性感女鬼？）唔系，好多衫着。（本身容易感应灵体？）冇事嘅，同埋今次系喜剧，应该会好啲。”对于《十》剧收视麻麻，嘉欣说：“我冇留意，因为呢排忙为新戏做紧功课，不过我觉得最紧要自己尽咗力演出。”

​而谭俊彦透露内地公干返港后，自己仅见过爸爸一次：“佢依家好深闺，不过我个女7岁生日，我买咗㗎单车畀佢做礼物，谂住嚟紧叫爷爷教佢踩，等佢两爷孙增进吓感情。”他又笑指囡囡愈来愈有性格：“叫佢行过嚟我度，佢会话No，已经好有自我。其实我细个都系婆婆公公教识我踩单车，所以我想呢件承传落去，以后我囡囡谂起踩单车，都会记得系爷爷教佢。”

谈到《十》剧仅录得14.7收视，他说：“据我所知，首集跨平台收视应该有18.2，依家好多观众都喺其他平台睇电视，不过你问我有冇上调空间，系应该有嘅。（对套剧好有信心？）有，况且嚟紧剧情开始入肉，而我个角色都会开始露出真实一面。”他表示一直对“老婆”谭凯琪的辱骂不瞅不睬，其实是有意激怒对方：“点解咁做，大家就要继续追喇。”