郑欣宜35生日继承亡母6千万遗产：多谢大家嘅祝福！

etin

艺人郑欣宜（Joyce）于昨日（30日）生日， 喺社交网分享一班朋友对佢嘅生日祝福，人缘相当唔错。之后佢又贴出同好友许廷铿（Alfred）嘅影片，见Alfred买咗个好靓嘅花花蛋糕畀佢， Joyce非常开心，仲话：“多谢！I love you！”之后佢又贴出自己嘅靓照，喺贴文写到：“多谢大家嘅祝福！今日35岁lu，祝自己和我爱我嘅人都身体健康、日日都有值得开心嘅事情发生！”而最令网民关注嘅系，35岁嘅佢将会继承妈咪沈殿霞（肥姐）嘅6千万元遗产，据知随住物价上升，依家遗产嘅总值随时已升值到近亿元啦！不过见Joyce依家事业爱情都咁顺利，相信肥姐在天之灵都会好欣慰呀！