艺人麦长青(麦包)与太太林孜结婚21周年,一向甚少晒恩爱嘅麦包,罕有咁为太太唱出张学友嘅经典爱情歌曲《你的名字我的姓氏》,仲搵来老友结他伴奏,将佢拍成影片放上社交网向老婆示爱,见麦包唱得劲深情,不时眯埋双眼,非常投入,直情好似学友上身一样。最近麦包夫妇因为官司缠身,而麦包肉店又卷入被指无牌风波,夫妻一齐经历咗咁多风雨,临尾麦包喺片中哽咽讲出:“thank you 多谢你廿年来一路喺我身边,希望唔使再令你担惊受怕。”向太太大派定心丸。
随了影片,麦包更留言系饮咗酒先敢唱出呢首歌,佢先系警告网友“有点肉麻,顶唔顺不要看”然后说:“我证明饮咗酒真系大胆咗嘅,卡拉OK都不敢唱呢首歌,更何况咁唱法,哈哈!惟有顶硬上!不过这是最经济和最有诚意的礼物(而且是女儿要求的)。麦师奶,21年了,谢谢你一直在我身边,无论有多大的风雨,只要有你在旁已足够,谢谢你一直包容我的缺点和脾气,无以为报,只愿陪你到白头!​
|