【想变番坏人】杨明未够班做视帝：真系担当唔起！

etin

艺人杨明被网友封为新一代“警察专业户”，继在《铁探》及《机场特警》中饰演警察后，又在新剧《迷网》中扮演网络安全及科技罪案调查科的高级督察，他笑言对“专业户”不敢当，但就很乐意接受这个称号，并指不担心角色重复受局限：“唔惊，我好受落，每部剧嘅警察角色都有唔同，我仲有好多纪律部队同部门未演过。”不过，他坦言怀念昔日饰演反派：“我愈来愈想做番反派，因为发挥大啲，反派可以任做，愈坏愈唔正常就愈啱！”

杨明连续三剧担当男主角，问到下个目标是否剑指视帝？他自认未够班：“我真系担当唔起，未有耐去到呢个级数，我知道自己喺演戏方面唔系有天分，要达到视帝级数，我争好远，所以冇谂过，最快都只系男配，但当然公司畀男一我做，我会做好佢。”他表示现时最想“演好啲戏”，因经常被批评演技生硬、欠自然及口齿不清：“我睇番《机场特警》都会反问自己‘你究竟讲咩呀’，今次《迷网》讲对白清楚好多，希望大家见到我嘅进步。”

另外，杨明之前曾预告40岁前跟拿督千金女友庄思明拉埋天窗，还有半年就达限期的他澄清只是想，并没有实质时间表：“我想做得传统啲、开心啲，要有摆酒同接新娘，但疫情唔能够铺张，所以今年结婚机会微啲。”讲到他跟思明拍拖四年以来，不时被指“食软饭”，他称不会将这些恶意抨击放在心上：“我觉得两个人开心就得，如果外界咁睇会开心咗，我觉得OK。（财政方面大家独立？）我哋出去食饭梗系男仔畀，有时我会买嘢送畀佢，如果结婚老公都系要承担所有开支，我觉得冇问题，婚礼都会承担晒所有费用。（佢嘅身份令你有压力？）冇！佢哋同普通家庭冇分别，世伯伯母冇架子、好礼貌、好照顾我，思明亦唔系外界以为嘅公主同大小姐。”​