现年29岁的汤沛宜(Toto),身材惹火兼性格开朗,竟自称单身多时,原来为工作经常请人“食柠檬”:“有啲追求者约我一、两次,但我有工作推咗,对方就以为我唔理佢。最近有个男仔想约我做Gym、食饭,咁啱次次有嘢做就推咗佢三次,佢就同我啲朋友呻!其实佢条件唔错,可以试吓发展,但要迁就我啲时间,食下午茶得唔得啫!唔紧要啦!随缘。”
三人行仲要有微言 曾经拍过三次拖的Toto,坦言每次都是“噩梦”,估计可能次次都与孻仔拍拖有关:“以前男友乜都听晒妈咪话!有啲委屈同佢讲,佢就话老人家系咁,叫我迁就吓,仲要去到边都带埋阿妈!(带埋伯母拍拖?)咪系啰!有时大家饮茶,男友夹点心畀我先,佢妈咪就会有说话讲:‘我呢?点解唔夹畀我?’呢啲说话令我惊咗,佢又对我工作有微言,令男友都心烦,搞到我唔敢拍拖。可能我几次经验都系同孻仔拍,佢妈咪当正个仔系小情人,好想个仔陪,我明嘅……”
好仔不如啱Key伯母 讲到最难忘一次,Toto指有个孻仔追求者已30岁出头,但初次约会时每小时都接到母亲来电!她笑言将来拍拖会改变策略,初相识时会先了解背景:“对象要搵大仔,或者要搵个同我夹嘅好伯母,起码第二时同男友闹交都有伯母帮我!” ​
|