|
无綫小花江嘉敏凭三年前处女作《亲亲我好妈》一夜爆红,惟火箭式上位却带来是非多的“后果”,她接受本报专访时自爆初入行期间因承受不了负评压力,一度想过退出娱乐圈兼上天台寻死一了百了,幸获好友开解打消坏念头,同时又因未能向父母打开心窗而内疚痛哭!
现年25岁的江嘉敏,多年来剧接剧成当红小花,而围绕住她的花边新闻亦多不胜数,成“话题女王”讨论度高企,数到近期最为轰动的肯定是跟冯盈盈的船P罗生门风波,不过,嘉敏大方指事件对其影响不大,不想再回应令事件继续无限放大,又笑谓现阶段对是非新闻已“免疫”,练成刀枪不入的“金钟罩”﹗面对接踵而来的攻击,人前大笑姑婆的她隐晦重提初入行的暗黑史,两年半前远赴英国拍摄剧集《兄弟》时,被爆主动出姣招、暗挞人夫王浩信!
曾想退出娱乐圈
嘉敏自认火爆,犹如炸弹一点即爆,故当初边睇新闻边嬲,一怒之下决定“落闸”,不再接触任何娱乐新闻,避免情绪受牵动︰“直头连啲Apps都删除晒,除非有时要回应先会睇吓,当时系第一次有绯闻,真系好大压力,谂唔明点解会咁,自己乜都冇做过,第一次系唔识点去Handle,有喺唔同方面寻求协助,搵演员、监制、导演倾,佢哋都话新闻要Juicy,观众先锺意睇,叫我当笑话睇。”
在没有心理准备之下成为话题人物,嘉敏坦言事发后变得神经质,更激动到差点轻生做傻事︰“嗰排系狂爆喊,估唔到一张剧照就有一个‘好好笑’嘅故事出嚟,控制唔到情绪谂埋一边,因为呢啲是非,我系唔想再踏足呢个行业,直情好想喺天台了结生命,真系有呢个时刻!”幸好每当有任何情绪,她都会于社交平台上剖白发泄,因而获张继聪、宣萱、刘颖镟及监制陈维冠“拯救”,成功走出困局︰“真系要好多谢佢哋花时间、心机去开解我、问候我,用过来人嘅身份叫我唔使担心,圈内人嘅说服力系大啲。”
“自闭”惊有情绪病
不过,嘉敏再爆即使受过援助,但仍“自闭”足几个月,全程活于自己世界内︰“就好似喺个圈圈入面,唔想见其他人、唔想讲嘢,如果再同男艺人讲嘢又话我沟佢,同女仔讲嘢又话我锺意佢。(惊唔惊有情绪病?)真系惊!”问可有跟家人分享内心世界?她内疚说︰“两个妹比较多,爹哋、妈咪就真系比较少讲,所以妈咪曾经讲过:‘点解你唔开心,我要喺社交平台见到先知?’听完真系好唔开心!”说到此时,她难过得哽咽起来︰“真系忽略咗屋企人对我嘅感觉,依家一有唔开心、一有事,都会先同佢哋备定案,之后睇到娱乐新闻都唔使惊讶,慢慢佢哋都开始成为聆听者角色。”
嬲被唱收50万
讲到船P一事被唱收50万做“中间人”,她指家人、男友起初都好嬲︰“呢件事我系亲耳听闻过,但大家都明白新闻系要Juicy,所以嬲咗吓都冇事,佢哋好信任我。(呢个指控影响声誉?)冇㗎喎!把口生喺人哋度,谣言止于智者,继续唱落去嘅人咪系蠢人啰!我哋系智者嚟,听完就当笑话算,唔好再发酵。”
|
|