现年28岁的艺人朱敏瀚(Brian)中五毕业就加入训练班,入行十年,给人的印象是“御用细佬”,不过,今年Brian终于发围,先有《机场特警》的爆肌型警一洗孱仔形象,而在热播剧《迷网》中更升呢为男二,还有两剧在手,上位有望。
Brian在《迷》剧中跟新人陈晓华(Hera)饰演青梅竹马的情侣,Brian坦言跟新人拍亲热戏有难度及比较尴尬﹕“今次冇乜亲热戏,都系蜻蜓点水,我畀咗套剧Hera参考,好过空口讲白话,我觉得对新演员唔应该系你叫佢点做,而系要有商有量,咁样大家先会拍得舒服。”讲到升呢男二,可有吐气扬眉之感?Brian说没有:“接拍时公司冇讲排位,无论戏份多少,我都系尽力做好,我经常同身边人讲,我唔系艺人,我系演员。”
Brian自觉好彩,第一套剧就饰演《点解阿Sir系阿Sir》的“K4”而为人认识,但之后被公司派去做《都市闲情》主持,令他的心情跌入谷底,然而他却感恩有这段经历:“当时学到好多嘢,亦好多谢同事同监制,监制明知我个心唔喺度,仍然畀好多机会我,又度期畀我去拍剧。”
Brian不讳言拍《都市闲情》是收入最多的时期,他仍主动要求返回戏剧组,Brian庆幸自己没有经济压力,算是衣食无忧,但惭愧未能定期给家人家用,有时反过来要靠妈咪补贴﹕“开始工作后,尝试唔问家人攞钱,但家人知道我收入唔多,妈咪会畀张八达通我用,我最大愿望系有日可以养到父母,亦多谢哥哥愿意继承爸爸嘅事业去做航运。”而为准备新角色,他将近两个月的粮全用来学打拳。
另外,Brian跟华姐女友余思霆感情稳定,他称两人拍拖以结婚为目标:“有倾过几时结婚,但觉得做好工作先,因为我唔想辛苦咗对方。”至于拍亲热戏可要跟女友备案?他笑言:“我有问过佢,佢话同佢讲咗先,所以我会照讲,大家都明白呢个系工作,所以OK,我觉得最重要系信任,大家都好乖,唔会曳曳。”
|