艺人崔碧珈以未来战士造型孖崔妈妈及姨甥女拍摄月饼广告,问到总动员出动酬劳有加码?她笑指是开心价,又透露崔妈妈主要负责硬照部分,然后又大赞接近两岁的姨甥女表现好好,镜头一Take Pass:“广告入面佢系做一个肥嫦娥,咁我就系地球速递员,速递月饼上月球畀佢,拍之前都同佢练咗啲动作两个星期,惊佢唔适应,啱啱一拍一次搞点,可能佢之后啲工作仲多过我,酬劳就系佢嘅教育基金。(做佢经理人?)咁就要问番佢妈妈啦!”
崔碧珈表示是首次跟姨甥女工作,同时亦是首次跟小朋友拍摄,笑话拍到后期双方都躁底:“姨甥女戴住个头饰好重,加上又热,拍咗大半日拍到佢都忟,佢平时都唔会发脾气。”
另外,讲到旧爱吴浩康早前反击她,控诉被指“大话精”兼“扮上进”是诬蔑,崔碧珈闻言多次表明最近少看娱乐新闻:“冇乜回应啦,件事都过咗咁耐,近期都系关心疫情新闻多啲,关心吓几时可以飞出去做嘢。(唔再在乎对方讲啲咩?)如果系朋友会关怀,但唔会刻意。”​
|