艺人余香凝与廖子妤(Fish)多年来陪伴彼此走过高山低谷,立誓日后感情到老!余香凝18岁那年认识Fish,展开微纱的缘分,而多年前二人齐齐拍摄电影《骨妹》,Fish正式走进余香凝朋友圈的“核心内围”。原来余香凝入行后经历了“两个难关”,都被Fish见证:“嗰个新闻(指与前度陈家乐分开,突然被爆劈腿)时,Fish咁啱喺我附近拍通宵戏,我唔知点算所以打畀佢。佢收工已经好攰,但同我讲:‘唔得,我要嚟搵妳。’佢就冲咗上嚟嘞。”Fish忍不住笑着接说:“一见面就揽一揽,点知我发现佢只系着咗条底裤!”
余香凝与陈家乐曾发生了一场车祸,当时吓到Fish不知所措:“我本嚟喺屋企瞓紧,点知见到佢传来一张‘浴血相’,一度以为佢化咗受伤妆,但谂清楚半个钟前先同佢通电话,佢唔会系做紧嘢,我咪冲去医院啰。”感性的Fish坦言当时无法知道是否“最后一次”,又担心好姐妹撞车引来大批记者追访:“去到医院都帮唔到佢啲乜,只系帮佢影咗一张相(发给记者),翌日见报。”
就是因为这两次的陪伴,余香凝立誓要“报恩”﹕“去年年尾有次Fish情况好差,可能因工作压力同社会气氛,我觉得唔可以由得佢一个人,本来我嗰晚返咗屋企,都即刻换衫搭的士去搵佢。佢就系咁,有时演戏抽离唔到,擦擦吓牙都会爆喊。”Fish腼覥承认:“当时我爆喊,觉得自己透唔到气。天生对世界嘅反应敏感,其实我讲得出嚟,都知道系唔健康,同埋需要改善嘅。”
Fish又搞笑地爆出身为女神的好友轶事谓:“千祈唔好畀佢饮醉,佢一醉就对所有嘢好感恩,然后周围揽人又喊,会同人讲:‘点解你咁好人嘅?’我喺隔篱截唔停佢,只可以负责递水!”而对于觅得知心友,余香凝坦言:“人愈大愈唔想花太多心思识新朋友,依家我有嘅朋友好珍贵,馀生能够有呢班人已经好足够嘞。坦白讲我起初入模特儿行业时,有啲人啱啱识你就叫‘Baby’,表现得好热情,我有啲接受唔到,反而觉得做演员嘅真实啲。”​
|