罗仲谦被海俊杰打伤 唔敢出声惊被杨怡闹

etin

艺人罗仲谦在大埔一间船厂拍摄无綫新剧《陀枪师姐2020》，与海俊杰、郑俊弘等人拍摄一场快艇追逐枪战戏份。阿谦透露由早上6时已开工，坐在快艇上兜了6、7个小时，坦言有食定晕浪丸打底，而烈日当空下拍摄难怪晒到他红卜卜。讲到枪战场口，他表示都OK：“但始终有啲攰，所以要小心啲，返到去仲要照顾个女，所以唔可以整亲。（老婆杨怡都提你小心啲？）绝对会。”

海俊杰打伤罗仲谦

而海俊杰则自爆之前不慎打伤罗仲谦：“震伤咗佢个腮，所以要同佢讲声对唔住，哈哈。”阿谦即笑言：“我以为海哥唱功得，估唔到原来内功咁深厚、气功都得！依家我冇事啦，好彩我内功都深厚。”他们又坦言拍动作戏难免会拉伤脚，问到回家可会叫老婆帮手按摩？阿谦即笑言：“我呢啲梗系伤咗都唔出声啦，会畀人闹㗎，所以死顶返去话冇嘢呀！”海俊杰则笑言：“佢呢啲就系真正嘅男子汉，但我唔系，我郁啲就会话好痛，梗系诈娇啦！”阿谦即笑言：“因为大家嘅太太唔同。（杨怡会闹你？）佢会话都叫咗你小心啲架啦，哦吓你咁，所以我就会扮冇事。”

唔敢帮囡囡冲凉

问到拍剧可会搞到很少时间凑两个月大的B女？阿谦坦言：“绝对会，好多嘢都未学识，换片、喂奶都系马马虎虎，哈哈，所以等套剧煞科后真系要跟老婆重新学习，佢依家非常熟手。（你有冇试过帮手冲凉？）我唔敢试冲凉，因为要用阴力，我惊我太大力惊整亲个女就大镬。”