“视帝”陈展鹏同太太单文柔(Phoebe),育有一女“小猪比”Quinta,近日展鹏虽然忙于拍剧,但一有时间即陪伴囡囡,见证佢成长。昨日展鹏喺社交网上载一条拖实小猪比手仔齐齐玩秋千嘅片,点知玩到一半,小猪比竟然甩开爸爸只手,令展鹏“心碎”留言:“每1段片都有辛酸的故事,最入心的父亲节礼物。”唔少网友大赞小猪比好有性格,连单文柔都笑言:“笑死我,爸爸伤心透了!”展鹏好Sad咁话:“朋友话起码4岁5岁先会自己玩,现在1岁多啲就咁有个性,睇嚟不久嘅将来......”暗示好快小猪比就会唔理自己喇!
另边厢,今年4月诞下囡囡“小珍珠”嘅杨怡,趁端午节好天气,带小珍珠出街晒太阳,见杨怡精神唔错,网友又大赞佢生完仲好Fit!​
|