坐完大髀送底裤！何依婷被杨明嘲胸细

etin

港姐何依婷于无綫剧集《机场特警》中表现备受注目，之前一场坐杨明大髀的戏份更成为热话，二人有场梳化情侣缠绵戏，剧情讲述何依婷于韩国血拼返港，更买了很多喱士胸围及一条印有她与杨明样的“爱的底裤”，杨明更戏弄她谓：“一睇就知唔系你㗎啦！Size咁大！”二人上演一场烟韧的打情骂俏戏份。

何依婷接受访问时谓：“呢场系拍完坐大髀嗰场先拍，我觉得坐大髀好似尴尬啲，同埋拍时现场摆咗好多内衣裤喺梳化度，虽然唔系自己，只系道具，但都有啲尴尬，而且现实生活系唔会有呢啲咁嘅情况，印咗样条底裤我唔会啰！我接受最肉麻都系情侣装、情侣鞋，如果要我送条印样底裤畀另一半，真系唔得，咁咪会坐住个样啰！”

说到她风头盖过蔡思贝、汤洛雯等同剧女主角，她谓：“我又觉得自己冇话特别出位，思贝练到个身形咁fit，靓洛又有个靓靓空姐look，都好抢镜，不过自己都冇谂到第一场戏出咗嚟之后咁多回响，都要多谢制作团队，依家多咗人留意，作为艺人当然开心，但呢啲留意同时亦令自己多咗责任，多咗人留意就要做得更加好。”

此外，之前她于节目《学是学非》中大晒小蛮腰，但就被网民嫌她的肚脐唔靓都偏黑，对此何依婷笑言：“系啰！肚脐生得唔靓冇办法，惟有下次去美容院做吓个肚脐美白，都多谢大家提点，下次帮肚脐搽番啲美白精华先。”

而杨明接受访问时谈及这场底裤戏份时谓：“呢场佢表现好啲，比之前放同自然啲，至于条底裤，我自己都觉得好好笑，边有人印自己个样喺条底裤度？（庄思明冇送过畀你咩？）冇呀！就算有都唔敢着啦！咁核突。”