被黃榕摸到有反應？馬嘉均：着多幾條底褲

歌手馬嘉均（Mason）上電台替首次主演舞台劇《人性遊戲》的主題曲《捉緊你》宣傳，他表示歌曲是一首搖滾情歌。舞台劇公演將至，Mason雖然每日都排練到好夜，但都不忘分配時間做Gym，因為他在劇中有情慾戲，要操弗身材同食營養餐：「有場係講一夜情，淨係着住浴袍咁，同女主角黃榕有好多身體接觸，所以佢都好性感。（會唔會除浴袍？）睇吓黃榕除唔除我啦！」另外一場戲就係黃榕要撫摸Mason嗰排「朱古力」，Mason笑言場戲都幾難，要邊被人摸邊講對白：「今次真係演技大挑戰！（會唔會畀人摸到有反應控制唔到？）都會㗎，要着多幾條底褲唔好整親人。」面對今次種種挑戰，Mason指自己樂於接受，又話如果冇難度就唔好玩。