歌手鄭欣宜4月21及22日將首踏紅館舉行演唱會,連月來欣宜積極備戰,距離開騷得番十幾日,她的心情既緊張又開心,昨日欣宜安排傳媒採訪其排舞情況,見她精神奕奕、動感十足,不過今早欣宜突然病倒,本來下午四時她會到電台受訪,但卻突然取消,電台公關回覆謂:「收到欣宜嘅經理人通知,欣宜因為發燒感冒失聲,須取消今天電台訪問。」
而其經埋人回覆東網說:「欣宜OK嘅,其實佢喉嚨痛隱藏咗幾日,尋日佢都係頂住見記者受訪,可能講太多嘢,又見到好多人有啲感染,今朝一起身佢覺得個喉嚨好痛,所以要取消今日所有訪問,因為星期五佢有工作,嚟緊又有演唱會,一有事就要盡快睇醫生同休息,不過佢冇乜大礙嘅,多謝大家關心。」
|