藝人唐文龍以單車手造型出席慈善單車發電籌款活動,為本地慈善團體籌款,幫助約200個有需要家庭。他表示兩歲半時已懂得踩兩轆單車,認為自己平衡力不錯,在美國讀書時每日都踩單車上學:「我住嗰區同校網唔同,來回至少踩兩個鐘,加上學校嗰區鳥語花香,所以會兜吓路。」他直言十分享受踩單車,可以一個人生活和自己思考,喜歡那種速度感。問現時可有踩單車?他說:「都少咗,都想踩番,但依家單車貴唔太捨得買,單車帶到好多回憶,同埋健康,但香港密度高踩單車相對危險。」
笑女士們唔敢同自己出街
談及日前被影到與前經理人外出,他坦言感到好笑,又多謝傳媒關心及緊張他的感情狀況。問是否以後唔敢同女士出街?他說:「係佢哋唔敢,但都專注做嘢先,依家又多咗工作。」講到原本四月洽談中的電影,他表示最後傾唔成:「因為個角色唔太適合自己,冇接到,所以做吓活動同接廣告。」
|