馬國明團拜冇被催婚 莊思明派雙封利是？

無綫有唔少熱戀中嘅藝人情侶，好似馬國明及黃心穎、袁偉豪及張寶兒、楊明及莊思明、陳展鵬及單文柔咁，佢哋尋日就一雙一對聯同其他同事齊齊到無綫高層樂易玲家團拜，相當熱鬧！

馬國明與袁偉豪接受東網訪問時，問到於現場有否被人催婚，馬國明謂：「我都係坐咗一陣，同楊明、袁偉豪佢哋傾吓偈就去咗拜年！（被催婚？）冇喎！從來都冇畀人催過婚。」

而袁偉豪亦謂：「冇畀人催婚喎！大家都係傾吓偈，聚吓咁，都好熱鬧！」而莊思明接受訪問時笑謂：「好多同事都叫我哋出年派雙封（利是），而麥玲玲師傅又話覺得我哋最快跑出，最快結婚，現場氣氛都好開心，大家傾吓偈，食吓嘢。」