陳瀅美國滑雪遇意外 美腿險報銷

宅男女神陳瀅現身銅鑼灣鬧市，一排冇見，原來她返溫哥華探婆婆，之後到美國玩足一個月，途中玩snowboard滑雪不慎跌傷膝頭，她說：「我發覺snowboard係後生先做到，過幾年應該唔得，今次都跌傷膝頭，但已經滑得勁咗，我拍咗條片放IG，好多人話好有型，令我都覺得好有型。」

同猷亨冇復合

提到早前賭王兒子何猷君踢爆哥哥猷亨單身兼且要為哥徵婚，身為何猷亨舊愛的陳瀅，聞言表現愕然，她說：「咁嚴重？（之前傳你同何猷亨復合？）我單身，唔知佢係唔係，我哋暫時係朋友關係，（有冇聯絡？）間唔中啦！」她在剛播出的無綫新劇《平安谷之詭谷傳說》飾演青蘭一角在劇中逝世，她說：「拍嗰場戲好辛苦好困難，拍嘅地方真係墓地，我真係要跌喺個泥窿度，好多泥冚落頭，嗰刻好大心理壓力，好驚，遲啲可挑戰拍鬼片（怕唔怕？）怕㗎！睇番片段仲聽到有小朋友唱歌聲，心寒，拍時都知禮貌，冇亂咁走，好彩冇奇怪事，主要係自己驚啫！嗰場戲係上年農歷年前拍，嗰時希望快啲拍完，新年就開開心心。」

她台慶頒獎禮時在飛機上，落機立即看賽果，她表示當時已恭喜唐詩詠和蔡思貝，戥她們攞獎開心。