愈減愈肥！黃建東恨2018年變「瘦東」

藝人黃建東、楊潮凱及鄧佩儀主演的網劇《降魔的番外篇》已在big big channel上架，阿東飾演科學家戲份甚重，但有別於過往的搞笑，他直言希望更多監製看到他的另一面：「今次角色性格有啲幽默，但完全唔係PPAP咁誇張搞笑，想大家睇到我孭到唔同嘅戲，唔一定係搞笑。（仲有咩角色想做？）何遠東喺《心理追兇Mind Hunter》弒母嘅角色，仲有郭晉安嘅阿旺啦！我都好想做。」

此外，早前與徐天佑、陳欣妍及黎美言為電影進行補拍，他表示角色名叫「肥波」，現在比一年前初初開拍時更貼近角色身型，他笑說：「我愈來愈貼近肥波，想減點知仲肥咗十磅，仲呃自己行緊肥運，我打咗十堂泰拳，但少少都冇瘦到，因為完全冇戒口，戒口真係好難，我依家半夜仲繼續食嘢，之前同劇嘅黃浩然見我咁肥，送咗代言消脂產品畀我，林子善又畀餐單我，大家都對我好鼓勵，希望2018年有個瘦嘅黃建東番嚟。」