元老聚首！Bobby嘆《壹號皇庭》難再有續集

連月來無綫在深宵時段重播的《壹號皇庭》系列再次掀起煲劇潮，歐陽震華（Bobby）飾演的「余在春」及陶大宇飾演的「江承宇」等角色更是港人的集體回憶，昨晚一班演員大搞飯局再聚頭，可謂星光熠熠！這個飯局由飾演「周志輝」的蘇永康請客埋單，接受東網訪問的Bobby笑言：「蘇永康算唔話得，為請食飯，特登接咗個騷，將呢啲騷錢嚟埋單！」

Bobby表示這個聚會真的笑聲不絕，他說：「好開心，因為相隔咁多年大家再聚頭，全晚笑唔停，搞到陳秀雯（飾演丁柔）都話唔可以成日一齊同我哋食飯，因為由頭笑到落尾，皺紋都即刻多咗！如果成日食，成面都係皺紋！喺戲入面佢做我太太『Michelle』，所以到依家都係咁叫佢，佢嘅詞鋒依然咁銳利，當我『調戲』佢時，佢一句就搞掂咗我！」

Bobby續說雖然大家多年冇見，但感情依然很好，更說最可惜的是監製鄧特希因有事而缺席，更言希望繼續有聚會。他說：「好難得感情依然保持得咁好，一見到面好似兄弟姐妺再見面咁即刻嚟個擁抱，大家做呢部戲時，可以話係識於微時，個個都出晒力去演，自從呢部戲之後，今時今日個個發展得好好，獨當一面。」對於很多觀眾很想《壹號皇庭》系列繼續拍下去，他說：「相信呢個機會較難，所以我哋決定間唔中一齊聚吓，將《壹號皇庭》精神延續落去。」