【冇追剧…】徐子珊睇好苗侨伟宣萱攞奖

艺人徐子珊（Kate）以火辣的黑色Deep V裙现身活动，她表示从未试过出席活动感到咁紧张，现时修读心理学硕士的她，表示稍后要赶到学校考试：「今朝4点半就起身，依家系呢个学期最后一个星期，返埋听日学就可以全程投入剧组，唔使再做跨境学童，等到一月中先再返学。（你慨学历咁高，啲人敢追你？）冇谂呢啲，呢个course读两年，一路忙工作要跑两边，剧组主要喺深圳拍。」

车厢中做功课

Kate坦言未有谂过转行，更表示打算读完两年书先算。问到读这个课程是否为拍心理戏？她笑言：「真系有人问我系咪嚟试吓上两堂，咁问我真系好尴尬，我真系好努力读书。（你会接呢方面慨剧？）有系好，可以用得到，但我冇谂到咁复杂。（之前有拍过？）未，有机会可以试吓。（系咪识睇人慨心理？）好多人都问我啲人系咪唔敢同我倾偈，但其实系误解，佢用好多科学证明人慨行为同心态，反而我系花好多时间学统计同做Research，中港车来回要个几、两个小时，要喺车度做功课睇论文。」

苗侨伟请食饭

问到睇好边位演员会夺得今届视帝视后？她直言当然是苗侨伟（三哥）及宣萱：「自问系唔公平，我冇睇过晒啲剧，但作为好朋友系要支持。好开心三哥拎咗马拉视帝，心情好同佢开工开得开心。（有冇请你食饭？）昨日Lunch佢请，同佢一齐开工。」