唔结就分！马国明话想同黄心颖分手？

艺人马国明到「大埔超级城」出席圣诞活动，与现场粉丝大玩游戏，期间摆天然呆表情兼大展歌喉，相当落力。刚由上海拍戏返港的他，透露圣诞亦想在工作中度过，实行揾银为上。记者笑他圣诞冷落女友黄心颖，他笑言：「佢要揾钱供楼呀，大家都知，不过我谂紧圣诞送乜畀佢，大时大节要有表示，依家回忆紧佢平时讲乜、想要乜。（以为你系实务型添。）我系呀，但都唔系冇情趣慨。」

唔需要交代关系

问到是否已认定对方地位，马国明笑说：「我觉得有时唔需要交代得咁清楚，总之我哋慨下一步系结婚或者分手。（有信心？）唔知，不过佢系个容易相处慨女仔，我要慨都系性格行先，外表唔重要。」

想同心颖去旅行

马国明透露明年二、三月才再开剧，这段时间倘若有机会的话，会与心颖去旅行：「我哋讲过嘞，咁大家未试过去旅行嘛。（去边？）去边都咁开心！（见过家长未？）未，佢话农历年可以埋利是嘛。」最近人气急升，问可会提高工作酬劳，马国明说：「我哋呢啲好抵用，叫价几多唔知，我都系睇公司粮单咋。」