吳若希(Jinny)早前在社交平台公開睇到B女淼淼正面的一家三口全家福後,竟惹來網民攻擊,辱罵她及闊少男友Alex不特止,就連只有個多月大的淼淼也不放過,留言嘲笑其樣貌。寶貝女被侮辱,吳若希激動回應,化身為鍵盤戰士不斷留言反擊。 她將預先寫好的文章擺上網,文中寫道︰「一個普通人,可能未必明白點解我咁需要保護我個女唔想子女係公眾面前爆(曝)光。但當你係一個公眾人物,而你會無啦啦係(喺)傳媒同網上世界被人攻擊話你係雞話你釣金龜,而你明知你反抗都無補於事時,你會更加知道,如何去保護我身邊的人。我個女,呢一世都係我個女,我無得揀,我個女都無得揀,作為媽媽永遠希望俾(畀)最好的俾(畀)自己既(嘅)子女,我唔想佢係(喺)成長過程中因為媽咪既(嘅)身份而被一班鍵盤戰士攻擊。而我現在只是以一個媽媽的角色去保護我的女兒,我諗無一個媽媽會唔認同。」 吳若希在帖子下留言︰「話說我下晝寫左(咗)篇嘢...你地得閒咪睇下囉~~ 其實我從來都係烈果(嗰)type,只係有時選擇由得佢!但係我話你知,如果有人傷害我個女~我真係會同你死過~~理得你乜嘢公眾人物~我做人阿媽連個女都保護唔到~我不如唔好生?!」
|