默認與楊愛瑾姊妹情不再 吳雨霏：能做朋友要講緣分

前組合Cookies鄧麗欣（Stephy）﹑楊愛瑾（Miki）﹑吳雨霏（Kary）和區文詩（Angela），近年經常四位一體，就算更忙都會抽空聚會，維繫姊妹情，不過四位一體的情況暫時難再復現，有報道指已升呢為人妻的Kary和Miki擘面，原因是去年Kary被爆小產一事，當時只有Kary極少數的好友知道，而Kary很快便鎖定「爆料者」。

事實上，2人傳決裂亦有迹可尋，平時她們喜歡將4人合照放上社交平台分享，不過近來只見到Stephy與Kary及Angela合照，或是Stephy與Miki和Angela合照，總之Kary和Miki並無同場，好似「有你無我」一樣，而榮升母親的Miki，亦獲Stephy和Angela探望，但未見Kary蹤影。

Kary回覆《明報》時表示：「最近大家都各有各忙啊! 我好相信緣分，能夠做到家人同朋友都要講緣分！唔講咁多啦，唔該晒！」