【咁快好事近？】葉璇孖男友逛家居店 被爆已同居

葉璇自從公開與男友「小默先生」戀情後，兩人不時喺微博高調晒恩愛，流露恨嫁心情。

日前，有內地傳媒更目擊兩人現身某間知名家居店shopping，似乎為築愛巢做好準備，兩人全程表現親暱，糖黐豆黐到實，其間葉璇與男友十指緊扣，又溫柔撒嬌，而男友亦輕吻葉璇面珠，好鬼sweet﹗

兩人先選購攬枕，然後又睇壁掛裝飾，再去到花卉區買咗幾個花樽﹑幾盆花及擺放花盆嘅架子，之後滿意離開，佢哋買嘅家品都係裝飾擺設為主，內地傳媒就估計兩人已經去到同居階段，莫非真係好事近？