|
|
《導火新聞線》今日大結局，姜文杰飾演嘅王子死咗，梁小冰飾演嘅皇阿媽赴英進修，臨尾三分鐘交代佢同Eric(石修飾)坐嗰架飛機甫起飛就遇墜機，又係open ending，未知生死。網民經過上次《選戰》嘅冇結局的結局之後，又接受多一次……咁皇阿媽究竟係生定死呀？
今晚《導火》一眾演員拉隊到銅鑼灣一間酒店齊齊睇大結局，對於有網民覺得要王子死同皇阿媽遇空難係搵戲嚟做，小冰就話﹕「我屋企兩個大小男神都睇到喊呀！戲劇唔可以咁平淡，我見有網民話要搵編審出嚟，但唔會打佢，只係叫佢還返個皇阿媽畀大家，幾咁肉緊。」小冰都知道今個星期收視上升番，覺得好開心，但係都仲佢嘅期望有距離，仲話希望全香港人都可以睇到。
潘漫紅近日成為咗高登紅人，佢接受訪問嘅時候就話：「咁啱啫，搞笑啫。」問到會唔會拍續集，佢就話：「暫時睇唔到個機會，因為見王生(王維基)都未有計劃拍劇，我哋全部又唔係佢員工，如果佢都首先要搵我嘅。」講到有傳會開舞台劇版，佢就話：「我哋自己講吓，唔係傳話有，因為小冰好熟舞台劇，所以就話好唔好搞一個，我就唔係好熟呢方面，怕會搞得唔好。」至於電影版方面，佢就話暫時未有消息，要睇有冇投資者，不過王宗堯話有投資者，潘漫紅就話：「咁要問番宗堯。」
講到結局小冰生死未卜，係唔係埋下伏線，潘漫紅就話：「可以話係伏線，又可以話係第一集嘅首尾呼應囉。」
而喺劇中演白粉婆嘅陳詩慧，佢就話個角色好大挑戰，又話依家個個都叫佢做白粉婆，問到個角色難唔難演，佢就話：「梗係難演，不過我事前都有做足功課，去咗美沙酮偷望，不過拍嘅時候都好緊張，因為喺美沙酮中心門口拍，好驚人哋以為我哋奚落佢哋，唔知佢哋咩感覺，今次接演呢個角色真係好樣衰，我都有問過可唔可以畫番條眼線，但係劇組話全部都唔得。」
|
|
窥视卡
雷达卡
发表于 2015-4-10 23:20:06
提升卡
置顶卡
沉默卡
喧嚣卡
变色卡
千斤顶
照妖镜
发表于 2015-8-14 09:13:21
