港視劇《導火新聞線》近日喺討論區嘅po推得勁快，除咗因為劇情緊湊，仲有一個好重要嘅因素，就係----「sheshe」，即係咩?其實可以解做女同性戀，但又同廣義嘅「女同性戀」唔同。
而《導火》入面，都分裂咗兩條「sheshe」線，一條係方凝(周家怡飾)同皇阿媽(梁小冰飾)，稱為「凝ma派」，一條係方凝同阿咩(楊淇飾)，稱為「凝咩派」。就算劇情冇講明，網民已經FF到真嘅一樣，所以今日一集《導火》周家怡初試性感，同王子(姜文杰飾)有剝衫戲，都冇周家怡同楊淇表白「我鍾意咗你」咁震撼。
對於方凝「中途轉基」，周家怡話：「嗰場激烈床戲都拍咗好耐，因為除咗床戲外，前面仲有少少方凝嘅內心戲，方凝本身唔係鍾意女人，但佢又鍾意咗阿咩，所以佢都好亂，基本上佢自己都接受唔到，呢個係佢嘅最大心理關口，亦有好多情感喺裏面，拍起嚟要表達都有啲難度。同Benji(姜文杰)嘅床戲，大家睇到就會知方凝喺嗰個moment好亂，佢係要find out答案，呢場戲亦係我入行以來最性感嘅一次。」
網民對「sheshe」反應甚大，家怡亦覺震撼，「震撼架，呢樣嘢係由頭到尾都唔想穿，想等觀眾估係與唔係，有啲曖昧咁，應該唔係啩？係有啲隱瞞，特登唔講嘅。」
會否有「sheshe」親熱戲？楊淇話：「阿咩同方凝一齊住咗咁耐，喺屋企有好多close嘅又一齊瞓、煮飯，佢又湊住我，又會幫我、關心我，親熱就唔會啦，係講阿咩好愕然，因為阿咩唔知師姐鍾意佢，後尾大家仲有少少面左左。我都睇到網民好擔心sheshe，又唔使太擔心，唔會變lesbian嘅。其實方凝係一個好需要愛嘅女仔，佢好難俾人介入生活，而阿咩係一個咁主動咁活潑嘅人，所以融化咗方凝。其實都係講人與人之間係需要關心，並唔關男同女事。」
而同阿咩糾纏嘅輝爺(王宗堯)亦話:「呢段『sheshe』真係好爆，但一開始真係估唔到，呢四個人本來好friend，會唔會因為咁樣嘅感情瓜葛關係變到四個都冇friend做呢？」
|
[复制链接]
匿名
发表于 2015-4-7 16:40:59
提升卡
置顶卡
沉默卡
喧嚣卡
变色卡
千斤顶
照妖镜
窥视卡
雷达卡
瞅瞅看，到底是啥样