現年45歲嘅鄭嘉穎，近日就同23歲嘅陳凱琳傳出緋聞

etin · 发表于 2015-4-5 14:41:08

現年45歲嘅鄭嘉穎，近日就同23歲嘅陳凱琳傳出緋聞，仲有指陳凱琳上咗鄭嘉穎屋企兩個鐘，不過兩個就當然係否認啦，話只係去借碟，冇發生啲咩事，而喺今日就有雜誌問到陳凱琳呢件事，答案就唔係否認咁簡單喇。

雜誌先問到陳凱琳係唔係同鄭嘉穎發展中，答案就當然話只係朋友、同事呢啲例牌嘢啦，但係問到呢件事可能會令到陳凱琳會除名處女黨，會唔會怕嘅時候，陳凱琳就話唔會怕，因為識佢嘅人都知佢係咩人，仲話呢件事唔需要特別去否認，講到去鄭嘉穎屋企孤男寡女兩個鐘，陳凱琳就立即有啲慌張，仲話有工人喺度，唔係孤男寡女咁話。其實「唔需要特別去否認」係咩意思呢？唔係否認？承認？否認？死口唔認？定係其他答案呢？真係好耐人尋味。

Cinda · 发表于 2015-4-16 22:57:03

每次剧集播出之前，都会有呢啲新闻

		自动登录	找回密码
密码			立即注册