高海宁择偶要求高 马国明赞张頴康系做渣男最佳人选

etin

视帝马国明、高海宁（高Ling）、陈晓华（Hera）、郭柏妍（Rosita）、何沛珈、王嘉慧及黄智贤等，昨日（27日）出席新剧《夫妻的博弈》宣传，吸引大批粉丝到场支持。谈到剧集于内地率先播放，获得很高讨论度，高Ling感谢观众支持，指不少网民看得很投入，会戥她角色的遭遇不值。提到剧中惨遇渣男张頴康，高Ling笑言今次拍摄让她更学会分辩及避开渣男：“渣男对每个女仔都好好，系永远嘅‘妈宝’，尊重妈咪系好，但恰女朋友、咩事都靠女朋友就唔好。”马国明则大赞张頴康是演这角色的最佳人选，他説：“阿康去得好尽但又搞笑，系佢先Carry到角色，佢都好想嚟宣传，但撞咗有工作，嚟紧宣传见到佢一啲都唔出奇。”

高Ling笑称拍剧让她经历了不同人生，自己虽然未嫁，但自信会是一个很好的女朋友和好老婆，又指有叫马国明介绍好男生，马国明则大赞高Ling是好女仔，虽然身边的男性朋友都已婚，但会继续为对方留意：“条件唔好嘅都唔敢介绍，一定要精心挑选，高Ling唔需要好有钱或靓仔，以佢嘅质素唔可以乱介绍，冇理由屈就佢，至少人品好有爱心。（似你？）我都未必高攀到。”高Ling亦承认择偶要求高：“因为要陪自己一世，最重要系要遇到。”她坦言现时工作忙，要维系感情也不容易：“总之唔想两头唔到岸，遇到都想好似胡定欣咁，好快结婚，不过工作机会都系好难遇到，所以目前需要好好珍惜，既然上天畀工作机会畀你，暂时感情先收一收。（好似定欣咁攞完奖先考虑？）咁又冇冲突嘅，可以同时发生，哈哈！”

谈到前无綫金牌监制梁材远（材叔）日前传出离世消息，马国明表示有跟对方合作过，大赞对方很锡演员：“佢从来都唔会闹演员，系好值得尊敬嘅前辈，冇前辈又点会有我哋，今年好多令人尊敬嘅前辈走咗，好可惜。”同样跟材叔合作过的黄智贤，坦言得知对方离世消息时“个心都揦一揦”，他説：“好似一个好朋友、一个长辈离开咗我哋，材叔退休之都有听闻佢嘅消息，但比较少联络。”他指自己首担正的剧集《真命天师》就是跟对方合作，指对方当时已由监制升为经理级：“当年自己仲系新人好幼嫩会好紧张，材叔会提醒我哋呢部系喜剧，要开心啲、轻松啲去拍，好睇住我哋。”他指对方为人豁达，对古装剧很有研究，是一位很好的监制。