佘诗曼爆《新闻女王3》去留未明 视乎剧本：唔好为拍而拍

etin

视后佘诗曼昨日在湾仔出席活动开幕仪式，吸引过百影迷粉丝冒雨前来捧场，有粉丝送给阿佘近百张剧照剪贴而成的花束。她早前因声带发炎一度失声，现已回复十足状态：“好彩咋，吓死我，失声失咗成个礼拜！”阿佘日前与剧集《新闻女王》演员们再度庆生，自爆因病改期三次，更获得古天乐惊喜到贺：“佢突然间嚟到，冇约实嘅。佢同农夫做嘢食饭叫埋我过去，我唔得所以不如佢哋过嚟。（古天乐有送礼物？）仲要礼物？已经好大惊喜啦！”谈到《新闻女王》即场制作第三辑，阿佘饰演的女主角Man姐去留未明，她坦言视乎剧本而定：“因为拍咗两辑，好多要写嘅都写咗，我都好期待锺澍佳监制同编剧有咩新方向。我成日觉得唔好为拍而拍，你今次想带咩讯息畀观众呢？”所以她要等剧本去向再决定是否参演。
她亦澄清未有为《新闻女王3》出任监制的打算：“唔会系呢套剧，但其实每一次剧本我都会参与、畀啲意见改动。始终演员身份系第一身，监制会最理解Man姐谂法，所以演员创作机会有限。”至于另一部剧集《正义女神2》，阿佘则透露演出机会较大，认为题材仍有许多创作空间：“社会上仲有好多少年问题可以发挥或探讨，所以我觉得《正义女神》容易有续集多啲。” 阿佘还透露今年下旬将会减产，希望尽量留港陪伴母亲：“呢段时间减产啰，我觉得过去两年拍咗好多嘢，好花时间，到套戏上又要花两三个月宣传，到头来一套剧差唔多六七个月先做晒所有嘢。三套剧讲紧一年几，咁耐都唔喺香港会唔放心！”