陈庭欣获Bob介绍两新欢 搵谭俊彦帮手过目

etin

艺人谭俊彦（Shaun）、陈庭欣（Toby)、孔德贤、林秀怡昨晚在将军澳年宵花市为无綫贺年节目《骏马迎春贺新岁》拍摄外景。Toby指每年新年也会买兰花，问到早前宣布甩拖的她是否更需要买桃花？她笑说：“桃花呢方面交返畀Bob爷（林盛斌），佢已经有两个人选畀相我睇，但系佢去咗怡保，所以未认识，主要想带出Bob爷好讲信用，系值得相信嘅男士，好为我紧张同心急，反而我就随缘。”讲到“金牌媒人”林盛斌豪言介绍身家以亿计的男士给她认识，Toby则说：“唔知佢呢，呢个唔系重点，等Bob爷喺怡保赚完钱返嚟先，其实有私底下同Bob爷讲自己未ready，所以都系认识下朋友先，未谂到咁远，或者佢今次喺怡保又帮我物色到呢。”她又指麦玲玲师傅早年指她姻缘有可能是外籍人士，自己则相信缘分要来就来，并不抗拒。Toby又大赞谭俊彦是好老公，到时请他帮忙过目，Shaun则谓最重要是Toby喜欢，请大家给予她空间。