佘诗曼做最强契妈 揽完锺志光姪孙再揽5位契女

etin

“四届视后”佘诗曼向来爱小朋友，早前就已经与好友小朋友上契，成为唔少人嘅契妈，估唔到佢真系去到边都吸引到儿童，日前佘诗曼出席活动时，就遇到一位男孩双手熊抱佢，佘诗曼由惊讶变冧样得，非常甜蜜，画面有爱。原来呢个小朋友唔乱揽视后，佢系艺人锺志光姪孙，锺志光对佢非常爱锡，早前为帮姪孙刷流量，锺志光开设社交网引流，爷孙拍住上拍旅游片狂吸流量，又周围带佢去见一众圈中好友，星光熠熠晒人脉。佘诗曼揽完锺志光姪孙，佢亦都揽揽自己多位契女，日前（11日）就晒出大批合照，话自己突然间好挂住5位契女，即兴约食寿司，仲大爆佢哋年龄由10至到18岁，个个都可爱又真诚。一行6人食完饭就去买嘢饮、糖水，再喺屋企玩游戏同唱K，合照时又大做鬼脸，5个钟都过得好快乐，佘诗曼爱心爆棚，对住小朋友真系咩都Say yes，绝对系最强契妈！