薛凯琪曾抑鬱症险复发 近况曝光惊现排骨胸

etin

歌手薛凯琪（Fiona）近年长驻内地发展，人气高踞不下嘅佢，更凭冻龄有道嘅“BabyFace”及靓声，圈粉无数。而今年2月受唱作人好友方大同突然离世打击嘅佢，曾喺访问透露抑鬱症有复发迹象，晚晚喊到瞓着、醒咗又继续喊，一度喊到呼吸困难；然而，日前出席内地公司尾禡活动嘅佢，虽然身穿低胸连身短裙骚Quali但“纸片人”嘅身材却再度掀起热议。日前，有网友喺社交网晒出Fiona担任公司尾禡表演嘉宾嘅片段，只见Fiona着上色彩缤纷嘅低胸连身短裙，化身迷人花蝴蝶喺台上翩翩起舞，大骚香肩锁骨、纤纤小蛮腰及白滑美腿，状态大勇嘅佢，面对镜头先主动弯腰合照，心情似乎相当靓，然而瘦到惊现排骨胸嘅佢，同样引嚟唔少网友担忧其身体健康。