|
唐诗咏(Natalie)日前接受HOY主播王凌燕专访,大谈首度为HOY主持节目《英国边忽好》的拍摄点滴。她透露最大惊喜是前往电影《摘星奇缘》取景地点诺丁丘,出发前有朋友跟她说电影中的蓝色大门已非蓝色,令她有种“去迟了”的遗憾:“但我哋去到嘅时候,发现道门又变番蓝色,有关人士解释因为电影效应太多人去打卡,令屋主好烦恼,于是改咗颜色,令让大家唔好再嚟,但改咗几年屋主又改变主意,将道门改番蓝色。”
​另外,Natalie有在当地学策骑,但她却不想让大家看到相关片段:“以前拍剧,我都有策骑过,我觉得自己可以,但节目组要我体验去做一个骑师,所以我系要策骑模拟机,架机一开动就好似比赛咁快,当然系好困难同骑唔到,我忍唔住叫大叫,工作人员剪片时话好好睇,我问佢有咩咁好睇,佢话觉得我好搞笑。”Natalie表示此行有不少收获,她坦言初到英国时,对当地人的small talk(寒暄)有点不习惯:“佢哋就算唔识,都会同你倾闲计偈,我发现原来small talk系会令人感觉开朗啲。同埋我学到英国礼仪,例如倾偈时要望住对方嘅眼,令我好欣赏,佢哋会好执着一啲礼仪,我明白呢啲系礼貌,令我终身受用。”
继今次合作旅游节目后,Natalie希望与HOY再合作,她谓:“如果开剧就好,可能班底会好唔同,咁我就可以同一啲新拍档合作。(离巢后有冇唔习惯? )以前工作模式好密集,所以最初唔系好惯嗰种唔使拼搏嘅日子,因为唔系日日有工开,所以我搵咗很多兴趣去学,我学整面包嘅时候会遇到好多同学,学识点同人倾偈同相处,真正感受人与人之间系点样沟通,因为以往身边都系工作人员同演员,但依家身边嘅同学,可能系妈咪或者系开铺嘅,大家会倾啲唔同内容。”不过她就笑言学整面包及编织,身边全是女学生,要学些有男同学的才有机会结识到可发展的对象。
|
|