朱千雪挺巨肚现身麦明诗婚礼 被指鼻大肚尖似佗仔咁样答...

etin

十优港姐麦明诗与盛劲为日前连搞婚宴，请尽圈内圈外亲友，原来现怀有8个月身孕的前港姐朱千雪都有到贺，她昨晚（29日）网晒当日照，见她与老公齐齐现身，身穿橙色大肚裙的她挺巨肚示人，不少网民留意到她鼻头变大，加上肚尖尖，纷纷估计她今胎佗仔：“这肚子肯定是个Boy”、“佗仔个鼻会大咗”，但整体而言她依然面尖尖，靓样变化不大。​朱千雪接受访问，笑言未知体重增长多少：“我冇磅，所以唔知重咗几多。”又透露预产前仍会继续工作：“依家8个月，预产就5月，做多1个月先放产假，我都较到几忟，啲工作都排到4月尾。”讲到全城估BB性别，她就表示：“我未公布性别，迟啲先啦，唔急！”问到挺住巨肚会否不便，她就指：“又冇喎，仲做到运动、仲行到，我又觉得唔系好肿，啲行啲衫都仲着到，净系个肚啫。其实我仲返紧工，每日都郁嚟郁去，精神上同物理上都唔系好大分别，只系个肚开始大。”