|
艺人马德钟、黄智雯、张曦雯、罗天宇及郑俊弘等主演的无綫剧集《再见.枕边人》,昨晚(29日)大结局。剧中奸角郑俊弘会终极大暴走,掳走黄智雯至荒山野岭进行报复,并与马德钟上演连番激战。郑俊弘对于担演此角直呼过瘾,并坦承尾段演出难度较高:“要Keep住好崩溃、好紧张、好癫丧嘅状态,要好快由0去到100,需要好多能量,但呢个角色好好玩。”以往大多数演乖乖仔的他,坦言是次演奸角好有得著:“永远唔可以谂自己系奸,同自己讲系好嘅,你就可以好完整同埋将你个角色所做嘅嘢合理化。”
他指拍摄时儿子郑赞廷(Asher)出世不久,初为人父的他却要达宵达旦开剧,只能够透过视像及家用监控镜头与儿子“见面”:“记得有一晚开厂,我仔喺床上瞓紧觉,嗰阵佢仲要用口水肩,我见到挂喺佢佢颈上嘅口水肩反起咗遮住佢块面,即刻紧张到打电话畀老婆,但佢冲紧凉听唔到,当时好慌好惊!始终啱啱出世几个月,好彩口水肩好薄,令我感受到做新手爸爸唔可以喺个仔身边嘅慌忙,依家学识轻松啲咁去照顾。”
|
|