张曦雯自认付出型伴侣 做反派冇被闹仲获同情

etin

艺人张曦雯（Kelly）、马德钟、罗天宇及关枫馨等，昨日（24日）出席剧集《再见·枕边人》结局篇出活动，即场大玩游戏，吸引不少途人围观。首次演反派角色的Kelly被问到是否开始“当街被闹”，她笑答：“令我估唔到，虽然角色好坏，但竟然有观众同情，问点解要爱得咁卑微，仲有网民将自身嘅感情经历同我分享。”问到现实中她是否同是“付出型”，遇过类似经历，她坦言：“我都会主动帮另一半做嘢嘅，有时男友连一句多谢都冇，我会同佢讲番，好多时佢会回应“Thank you for telling me”，我哋只会拎啲嘢出嚟讨论，所以好少闹交。”罗天宇近日接连推出两套剧集《再见·枕边人》及《婚后事》，演技获赞更被形容“不一样的罗天宇”。他昨午更即场献唱同名片尾曲，搏得不少掌声！谈到是否有意进军乐坛，他坦言：“都想嘅，但好似冇乜机会。（你咪组过《Super Tiger》啰！）嗰啲都唔算，只系综艺一场表演啫。（嚟紧有《中年好声音》大湾区比赛喎。）我36岁够年纪参加，但有啲唔够胆嘞，参赛者位位好强，一系等我练习吓先。”